| تبليغات | X |
 |
 |
|
| الشعر الشعبي الاهوازي |
|
الشاعر الأهوازي جميل وادي (مشاهد من حرب غزة)
المشهد اللأول *** صوره من الجزیره و صوت تترس سَمع الیشاهد
جثث ودمموم و صیاح وصریخ وموت بل زاید
اهنا کومة لحم وهناک جثت انسان و بصفه شفت مجروح یتشاهد
و طفال أبحلمهم یذبح الصاروخ ولجلاد دمه الموتهم بارد
تاخذنه الصوّر یم طفله بلکاروک ونشوف المأسي اشلون ونشاهد
ابو حاضن طفلته ونایم اعله الگاع واُم امرعبله ابطیارة الحاقد
و اخو فاقد اخوه ویلطم الفرگاه و الغیض اعتراه و یهتف امعاند
وصیاح و عویل و ضجّت المسعوف و سیارة اسعاف اتحشم الگاعد
واحد شایله ابنه و یصرخ و ملهوف وطفال اتباچه و تطلب امساند
بعض تهتف شعار و بعض مذعورین لکن للصمود ابکل قوّة اتناشد
جابلنه و نطرنه اشینقل التلفاز و اعداد الضحایا اویه النفس صاعد
او توسع شاشت التلفاز و نشوف الکثیر و نعرف اشوارد
خبر غزه الورد و طفاله الحولین قربان أنفدو لسیاسة الفاسد
المبانی و اللأهالی ولشجر مگطوع و للأكثر تعدوا حرمة الساجد
عِذر بسم الدفاع أمکلل ابنیران ضد عِزّل جیاع ابهل شته البارد
عِذر بسم الدفاع أیذبح ألرضعان ما یرحم مقاوم لا یفک شارد
الهدف هو الأنسان و حرمة الأنسان و الگاع العلیها ایرابط الصامد
هدف رمیي المساجد مو علی الحیطان الهدف کسر العزیمه أبرغبت العابد
(المشهد الثاني) *** (مقابلة صحفية مع شيمون بيريز الحايز على جايزة نوبل في السلام ، حيث قال في المقابلة الصحفية : اذا كان الأطفال في غزة يموتون ، نحنوا في اسرائيل تمكنا من حماية اطفالنا)
خبر عاجل خبر عاجل
صوره وصوت من مجرم نشوفه ابهیبة الأنسان
سؤال من المذيع ؟ هل ماتوا أطفال هل طال القصف خرخوشة الرضعان؟
جواب أبلا حياء وخوف لا ما طال ما نضرب منازل تحمي السكان!
لا نقتل رضيع! ولا نهدّم بيت! ولا نضرب مساجد تعبد الرحمان!
(ألمذيع) طيب ولمجازر هاي؟ كل هاي الصوّر ما تجعلك ندمان
طفلة و اُمها اخو و اختة آلاف البيوت أتبدلن تربان
هم عندك ضمير أيحاسبك بسكوت هم حاكاك يوم و كعك الو جدان
جاوبني أبدليل و كتر التبرير بعد هاذ القصف ما ينفع الكتمان
(جواب) أطفال اليهود أبخير و احنه أبخير ما همني اليموت بغزة العدوان
المهم طفل اليهودي اتنوّمة الأحلام و أطفال العرب خل تفقد الأوطان
(المذيع) بيّن لي الفرق بين الطفولة أرجوك ليش الطفل عندكم بالعب غرگان
و أطفال العرب ترجف مجاعة و خوف من زود الحريج و كثرت الدخان
مو نُص الأمم حق انتخاب العيش ليش لينتخب تزداد له الحيطان
(جواب) گال احنه نحارب نطفة الإرهاب و أطفال العرب بأحلامهم قربان
ما همنه ليموت من العرب هليوم بفعل هاي الحروب أتأسست أوطان (المذيع) شكرا من حضرتك عل اللقاء اليوم و اشكر من معانة و تابع الهذوان
( مشهد الثالث) *** تسارع الدول العربية و تعاضدهم مع شقيقهم الصهيوني ( جاء هذا الشقيق من ازدواج غير شرعي ) و نكرانهم لإخوانهم في الدم و الدين
خبر عاجل خبر عاجل
(جامعة الدول العربية اجتمعوا مع البعض سویه
سماحة الوزير! سعادة الوزير! سادة الدول العربية
أدانوا العدوان على الصهيونية و ذموا الضحية
طالبوا الذبيح و القتيل والشارع الحزين على القضية
بالسكوت والخضوع و الخشوع على الأذية
و اختتم البيان يطالب الشعوب بالصبر على البلية )
و عاد النه المذيع و فسّر المكتوب سادتنا العرب في نقلة نوعية
الأمة ابصوب و الحُكام كلها ابصوب شيء مأخوذ حگها و شيء حرامية
بوابة سجن و الناس مسجونین شيء بسم الشرق و الباقي غربیه
من تسمع حکیهم تفتکرهم خوش بس بین الفعل و أشکالهم فیه
باعوا فلسطین و خذلوا الاهواز وما ننسي أمس حزن العراقية
هذوله أموظفين أباب بنتاگون
خیرهم عمیل الحفظ کرسیه هايه أسنين و أصوّرهم علی الحیطان الحیطان طاحن والصور هیه
و ما طول الجماعه ابهل وضع حکام یومیه العرب تنهان یومیه
و ما طوال العرب ما تنتخب حکام حاکمهم ضعیف ایخاف من فیه
لکن لو طلع من الشعب مندوب و یوازن قدرته و عنده شعبیه
چا هابته امریکا و قدّره اسرائيل و رد بیت القدس بأهلة ونواحية
جميل وادي
07/01/09 تنوية: اليهود (المقصود الصهاينه) و ليس الشعب اليهودي
|
|
+ نوشته شده در
سه شنبه بیست و چهارم دی 1387ساعت 2:32 توسط جميل وادي |
|
|
منشور المحبة»
للشاعر الوطني جميل وادي *** جًلبت درب المتاعب خطوة... خطوة وين... ما افتر... شذاك
و شافن أعيوني مشاعل تفضح الديجور...من تعكس ضواك
و حتى حارات المحلة أتشاور التعبان من تسمع نداك
و حتى حيطان المدينة أتجاوبت ...وياك لبست ،مشتهاك
سولفت وايد سوالف صيّحت وايد... صوايح حتى اليضدّك ،حچاک
انتّ ...وزعت ...الأمل يطوي المخاوف حتى يكبر منتداك
انتّ ...خليت... الخبر يكشف شعبنه و یحچي مستور...الخنگ فرحة صباك
حاربيت ...أبقلمك الوافي المآسي أو فهميتة الراد يفهم ولگراك
صوّرت ليل المدامع للأذايع ولصحف ،قصّت و ضاگت من عطاك
و صارت أحلامك شواطي يغفه... بيها التاه وللاذ أبحماك
وصرت نجمة وبيك نندل الطريج و خفنه منه إيغار و يضمّك سماك
و خفنه مشوا ر الطري البعده ایتتچا أيطيح... لويفقد خطاك
وليلنا... ا ليصنع توابيت و ظلام أيطول ... لو يگصر...مداك
و تحزن اچلم المحبة و غيض تلبس من وراك
و تنشتل بأحلامنا أكوابيس و يدلهم ضحاك
و ينخبط طعم الوناسة وبس نعاوي أيغني ...اليغني ابخفاك
ونفقد افياي أليلمنه و نعتري ابشحت غطاك
(2)
انت المشجّع حسبتي مدري إنا أبيا أمل لو رحت احزمها ابجفاك
و مدري شحچي الرادني ...احچي اویاحچي... اتنگاه يبلغ مستواك
و يا شعر يكتب دمعتي الشگت ازياگ الصبر و نهالت أتبلغ رثاك
و يا جبل يحمل حسرتي الكبرت إب آه المصيبة ألبيها المخبّر نعاك
و يا وصف يوصف صرختي البَچّت ألما ينفطر گلبه و بچاك
و يا حچی أيعبّر نكبتي كل محاچِيّ ایتباچن من بعد موت الخذاك
و يا هو أيصبر رفاقك و يا هو أيصبر شعبنه الدوم يتنطر صداك
ويا هو أيعدل حملنه الچان معدول ابحماک
(3)
انت منشورالمحبة و تعب جدمك... وزّعاك
جبل عالي إعله المشاكل محد أيلوح انتهاك
انت... بیت اهلي النشامة وللأبد ...يمتد ضراك
انت كارون السماحة و ما يرد خالي النخاك
انت بصمة اجتاحت اعگول السوالف وانتفع ...بیها الطراک
انت درة و لمعت أبظلمة شتانه و ما يضيع الوچداک
انت آية صدگ طافت عل منابر ونعجن بیها أنتماك
انت صرخة الهزت أعروش الملا لي و ضيم شعبك شجعاك
انت نبراس القضية إلعَلگ ابیت ألأمم بيرق هواك
بسمك امتدت سواجي و راحت أتدوّر اشتراك
و بسمك انصاغت خلايا وطيب أسمك كثراك
يا شخص يوصل ألعلوّك محد أينافس عُلاك
انت صح غمضت عينك لكن أجموع الشعب شالو لواك
ما تموت ولا تموت وآنا أكد هذا أول مبتداك
وآنا أكد هذا أول مبتدا................
جميل وادي 14/3/2008 |
|
+ نوشته شده در
سه شنبه بیست و هشتم اسفند 1386ساعت 22:55 توسط جميل وادي |
|
|
هــل وكت شفقة يثــير إحباطي
يخـــذل ألعــالي و يعلي الـواطي
یخذل ألعالی ألوکت ممشاه عکس یحمس أبروحی و یعذبها الحمس چنی وسط البحرما عندي نفس طــاحن أمتونی و بعید ألشاطـــي
طاحن أمتونی وحرت ما حس جریب حشمت فــحطان مــا اسمع مُــجیب لا صدیـج الــگال اجیتک لا حبیب و لا صـــدی یعکس چثیرأعـیاطـي
لا صدی یعکس اصیاحي من الغریج ما احس بگواش بحري اشگد غمیج ویه کــــل موجـــه یشهگنی الضجیج وانا اکـــع روحی وگـــــلها أحتاطي
انا اکــع روحــــی وصبرها الهواي دمعی سکاتي و یسولف ما وراي یحچي هـــل فتنه خناجرها إبگفاي تــــرتع ابعزمـــي النفــد و سباطي
تعب جسمی و تعب فکری الملتهي وطاه عگلی ابسوح گلبی المشتهي یمته هــــل فـــرگه اگـــولن تنتهي و یحط ظعنی وتستریح أشــواطي
یحط ظعن احــلام روحی و تستریح عذّبـــانی اطـــرادها وگلبی جریح امس ردت الجـافله و کعنی النبیح من شفت هشهن عــلیه ألساطي
هش علیه اعگول مسنونه النیوب تنهش ابعــزمي وتشجعنی الهروب صرت مثل الفگد بو صلته ابهبوب ولجماعــــة أتــرید هسه أسقــاطي
ولجماعة اشکال و الـــوان أبلمیع تسمر ابنعش الصـــدگ لمن یضیع و فوگ کــل هـذا تتوجلي الوضیع و تگرب الجیبي و تـــبوگ أنواطي
تاخذ المشرور من حبلي ابوضوح تشرگ ابطیبي وتحط بیه الجروح مـدري عصر العولمه ایبدل الطموح مـدري انـــا ایخط خــطأ أستنباطي
مدري انــا اتبدلت مــــدري إلوکت مدري نار اطموحي غطاها إلخفت مـــدري دنیــاتي شعرات و هفت وبلعکس صارت دمغ و أرباطي
مدري آنا لوله عمـــلات الزمـان لوله حضي خسرحسبات الـــرهان یا هـــو الجربتة ما حـــاز الضمان ینجلب آفــــة و یعضعض بـــاطي
آنا محـــتار بفعل هـــذا و هــــذاک شي تچـــذب شي تمــارق مشتهاک شي تبیعک شي تسوم إبمشتراک شي تبعد شي تــــرید أخـــــلاطي
شي تدوف الحنظل إبظرف العسول اتزخرف الصورة ویصدگه الکسول وشي تلولي وشي تفسرلي الخمول و شي تحاول تفتري إعله أنماطي
شي تحـــاول تنشل البـــاد و درس وشي تبیع افکارها برخص الدنس شي تشیع إســـرانه الذاک الحرس وشي تطمطم فــعل هــــذا ألخاطي
ولعجیبة أقــــوال تفضحها الفعال وکثرا لوعـــدد عــددهم بلمثال حاولت اعدل و رگع آنا السمال بیدی تتبثبث و خـــاب أخیاطِي
خاب ضني وتعب جدمي وقلصت وبیضن شعرات راسي و يأست عود شفت اشوي أمــل و تشیمت ومن گربت الطیر بیها أیطا طي
من گربت وشفت صدگت السمع شلًل شلوه اعگولهم ما مش نفع ملل جمع اجموعهم ما چــن جمع ولـــوحچیت اتصارخوا یفــراطي
هـــذا ولأکثر تکالب عــــل زبــال عـوص و معاوا و سجلات و قتال ودی ذاک و روح مناک و تعال احچي بس بالک تفشي ألغا طي
سولف اشما تشتهي بس عل مزاج صیر هـــادي وقلد اطـــباع النعاج لا تــأشرلـــو شفت بینه أعوجاج عَـــدّل و لفلف کثیر أغـــــلاطي
عـَـــدّل و لفلف و ارضخ للقـــرار وصطبر لـــوجاک من عـدنه شرار لا تجرّب لا تحاول ترکب بهذا القطار لا تحاول لاتواصل لا تعري اوساطي
لا تحـــاول لا تجرّب لا تغرّب لا تـروح لا تماشي و لا تحاشي ولا تعدد بلجروح لا تباوع لا تغمّض لا تسکّن لا تــبوح صیر کالــورجه وعـــلیک أنغاطي
شوف وا سکت اسمع وعوف الکلام ضم قرارک نافـــق بــــأسم السلام لا تطير ولا توچّي ولا تحاول للوئام لا تفكرلا تنكر صيرجــندي ازماطي
لا تـــأشر لــو شفت بــينه السبخ لا تحاول لا تساعد لا تجبر بلشدخ احنه نطبخ و انــت مَجِد بالطبخ ومـــدح افعالي و کثیر أخما طي
هذا معجون البعض خمخم عتیج الدنیه تطلگ و البشایرعل طریج ما یظل هذا الوضع صافي النسیج یخسر ویهلک یه بــابــــا الباطي
ینتهي و ینزاح هـــل غیم ابدجـــاه وتظهر اگمــار الحقایق من وراه یصفه ماي اگلوبنه ونشرب صفاه و یکشف الثام الخــیانه أنشاطي
ینکشف و یـــروح کل هذا الظلام وتضحک الدنیه و یعم بیها السلام ما یضل الـــه الصحیح ابکل ختام و تنتهي ایـــامه الصبح متواطي
جمیل وادي 10-03-2008 شفقه(شفق): بنت الشاعر ادامه مطلب |
|
+ نوشته شده در
دوشنبه بیستم اسفند 1386ساعت 23:43 توسط جميل وادي |
|
|
( عرك الجواسيس) يظل يتلاعب بأغلى الأحاسيس وإذا حچیي ألصدك خلف المتاريس و إذا صار التمر غث بالنواميس و إذا باگ الدجه أعيون الفوانيس وذا تنسى الجمل معنى القواميس وذا ليل العشگ کله کوابیس وذا لمس الورد ینفض د نابیس وذا تحوی الدرّر حتی المکانیس وذا شیخ الیصلی ایعانق ابلیس وذا ینزرت بلدیره النواقیس ابمکانه الشی جمیل ابغیر تلبیس القبیح ایظل قبیح و هذا تدریس الو طن مو لعبه لو صفقة کوالیس ولا موضة دعایة و زیف تحلیس ولا لو حة ثمینة او خشل عریس ولا تاج وسریر و عرش بلقیس ولا ورقة وبطا قة و رقم تجنیس ولا ذبت اصماط و لحم تسلیس الوطن آیة شریفة ابگلب قدیس الو طن نخوة اهلنه البلعدا اتجیس الوطن علوان لو عتب غنا ادریس نطب سجنه ونظل بسمه محابیس یبین ینکشف عرك الجواسیس يبو ر ویظهر المنخفي بتد لیس سفیه الهلس ریشه ورضه التهلیس الاثر ما ینمحي و یظهر التکبیس و مثل عود التلذ عه الشمس ویبیس یحط حمله الوکت و یصیر تنفیس و ترا ماي الرکد ماینفع ایخیس |
|
+ نوشته شده در
سه شنبه یازدهم دی 1386ساعت 20:16 توسط جميل وادي |
|
|
واحد گال الأحواز واحد گال الأهواز واحد گال عربستان
و ازدادت العركة أبينهم و تفرهد البستان
(1)
واحد گال بس انه اهدم حاجز الحيطان
و لثاني أندعى أبكل صوت مني أتخاف كل إيران
ولثالث تحن حن حيل صاح آنا الوحيد أبساحة الميدان
و كل هذا آلحچی و ليل بعدة أليل و ليوعان بعد أيشم شم الرغفان
(3)
ولمحنة الفتنة و خيمت بزور كل مصباح تصلب خيرت الشبان
و احنه بأول المصدر بعدنه أنحوك واحدنه ابرفيجه أمخلي ميت نيشان (4)
ما نرحم بعضنه وبس نعرف الغيض مدري اشلون يرحمنه عدونة السارق الأوطان
كل واحد مشاله ابراي كفر صاحبه وگال آنا أبو الأيمان
نتمنه أبثواني أنرجع المفقود نتصور عدونة أبلا ضرس ولسان
نتناسه الظلمنة و نترک السواء بس نعرف نسلو لف بل كنت و الكان
مدري اهية السياسة أمركبة أعله الغيض مدري أحنة جهالة و نصنع العدوان (5)
أهلنه أهناك محرومة واحنه أهنا نتعارك يوم أعله الاسم و يو م عل عنوان
صار أسنين نتطالب و كلمن گام گال آنا صار و الأسم غا يتنة و نسينة محنة الإنسان
والغازي ايتتچه أبجهل بعض الناس و كل يوم اليمر يزداد الاستيطان
و أ حنة أهنا نفكر عل اسم كل يوم ولنفط أيتصدر بسم خوزستان
(6)
بس من المهاتر و الحچي الميفيد خل نتحد و نهز هز عرش طهران
أنصنع ميدان ألنه وكون نلعب بي والمنة الو كت خل نعلگ أ لبركان
مو وكت المعاتب وكت همة و زود و الله لو صفينه أنركع الطوفان
شعبنه اثبت مؤهل حتى للتحرير من ثار و خلگ ثورة شهر نيسان
خل نعدل جمعنه و خل يولي الفيض احنه ابعازت الوحدة و چثیر اخوان
مو عجبه أيتبدل هل اسم يا ناس چه هو اسم مو آیه بلقرآن
بس مؤسف و محزن لو زرعنه الديم و گبل لا نحصد أنحشم اايانه ادنان
خل لمن يجي المحصول عل المصباح و نچیل الحصص و یبین الربحان
اليريد ابهل وكت يخدم شعب مظلوم كون أيصير خادم موش آغا و خان
جميل وادي
|
|
+ نوشته شده در
چهارشنبه بیست و هفتم دی 1385ساعت 0:52 توسط جميل وادي |
|
|
امشي او ياي نتحده الصعاب و نعبر الکلفات چتف ابچتف أید أب أيد امشي او ياي صيحة أمحزمه أعله الثار تصر خ ما ترید اتهید امشي او ياي نهدم حا یط المفروض مو عتگت درابین المحله و ناویه التجدید خل نفتح أعيون القا فیه من الخوف ونفک الچفوف الرافضة التقلید نعلگ للربیع الیاي کل اعمارنه أفوانيس ونفض الد فو للکاره التجمید امشي او ياي بیت أبيت باب أب باب نضوي أشموع للضياع أبليه و گبرا التهدید امشي او ياي نکشف ضیم أهلنه الطال من بیت الأمم نطلب وطنه أيعيد امشي او ياي معتاز الوطن ينخاك ولوحده النصرنه اتفيد روح أبروح كون أنصير وازنه الوكت أنريد لو من ريد لو نگطع مسا فات الجهل ولخوف أصنام الجهالة أمن الحقيقة أتبيد امشي او ياي خل نعبر محطات المغشه أبساع خاف اتزيدنه اسچچ العمر تردید بسنه من الحچي مو ضایگانه أليل وماطل عملنه ایکثر التعقید لا وین النعوش أترجف اليم شون ومخیم علینه و ما مشه اجورید أشکثر رمضان ایانه و راح بس وجه الحزن ما ضحکاه العید موتى إبلا أگبور أنعيش واحدنه امتحن شي ريد کل يوم الحزن یتجدد و یزداد و هل محنه الفتنه أشما سكتنه أتزيد كون أنصير ضجة و نرعب الحواف ويغص أبتمرنه الو هگ بی تفرید نطلب و لطلب یطلب اشوي حیل و نعوف الرخا وا الیاي أبتعويد ولله الحگ یطلعه ألما غفتله أعيون ذاک الکشف لعب أعداه من اتکید و لیعرف ابحگه ما یرد و یخاف تهبطه الجبال العالية و تسید جمیل وادي |
|
+ نوشته شده در
دوشنبه هجدهم دی 1385ساعت 13:50 توسط جميل وادي |
|
|
هتافات و دوي اصياح و الناس اتسائل ها / ايوا /ها و شوكت تگرب الساعه و یوصل المیعاد
وشما گربت الساعه الصفوف اتگوم تتگارب وتتسابگ الناس اتگول عدهه اطراد
غص الشارع ابناس التحب الموت أو هوأعهم حیارا ال لعبت الأو غاد
لعابي اتگول لا حس لا ضمیر اگلوبهم چنهه صخو ر الواد
ما عدهم حمیه و عافوا الوجدان سود اوجوهم و مصخمات اسماد
عجیب الناس ترضه اتشاهد المظلوم تتگطع انفاسه وما تمدله امداد
عجیب الناس تحضر رگصت المخنوگ بحبال الجهاله و چنهه عدهه اعیاد
واحد گال /اجیت من الصبح خا طر اشوف الموت ولثاني نسه من جیته اهوا اشراد
و واحد صاح بیدي اخنگ ذول حتی ارتاح لیلیي و ما احس بسهاد
ولثا لث و الرابع ولخا مس ولسات صاحوا فرد صیحه انرید موتة البایع الأبلاد
و ييت مرأة تبيع وتشتري من السوگ ولصدفة خذتهه ابسربت الأعداد
گالت لیش ملتمین/شالقصه اشیريد ایصیر واحد گالها امتانین لمن تحضر الآولاد
هذا الیوم راح انشوف ذوله البا عوا الأو طا ن ینعدمون بسم لله و حکم حکا منه الأمجاد
یمه اهما عرب سئلته بستغراب؟ اي نعم ياريتهم اكراد
چا شنهي الفرق و تعدت من احضاه اشو ذوله الجما عه امشکبنین احقاد؟
مدریهه اشلفا ها الناس لیش اتحب تشو ف امعلگه الأجساد؟
لیش اتحب تعیش ابضیم و بحرمان و تساعد جما عه البسونه احداد
لیش الضحک زیبگ طایر و یه الریح و لیلیه الدموع اتغرگ الأمخاد
لیش الیوع یفرس کلمن ایمر بي ولشبعان ضایگ من چثیر الزاد
لیش اعله النعاوي اتبات الا حدیثات و ادراق العب متروس صم ارماد
لیش الینتفض و یرید حگه ایعود یرمونه ابتهم امریکي لو مو ساد
لیش ولیش لن تسمع چثیر اصیاح ذوله اهما او صلوا یا باهم الجلاد
(مشهد الثاني) 2
خيعونه اليشوف اويوهم هل ساع واحد صاح و تدنه
دفعتة الصفوف اورد ورا و ما شاف ولأقدام ركنه
كلهه اتريد تعرف يا هو المتهوم حتى ابدمه تتحنه
چنهم یایین ایدورون الثار متحز مین عل ضنه
واحد گال متورطین بل تفجیر ولثاني ندب اي هما مو منه
و خزله من البسیج اتنادي للخفاش وتشتر ابحچیهه الفا گد المعنه
عجب چنه الزمان اتراجع الچنگیز و رماح التتر تتسافط ابصفنه
و شوفن دم ابو السجاد سال اردود چه بسمه جماعه اتهدر ابدمنه
ینا دون الکریم و هما عنه ابعاد الهي اشکبر حلمک خربط الصفنه
هذوله احفاد کسری و دینهم منسوخ و لا عدهم رحم و افکارهم عفنه
تعاواو للقتال و لموا العمیان عمیان البصیره الرافگوا ضدنه
لموا کل حقدهم و نتخوا للثا ر ثار اجدادهم لساع ما فکنه
یریدون ابطشهم ما نشیل الرآس ننسه اشما یدور و ندفن ابحگنه
سمونه و هابیین متخلفین و زرعوا قنبلتهم تنتگ ابعبنه
قصدهم نحرگ اب بيدر تعبنه و نتلف المحصول و نضفر صوط جلاد الأیه ایطگنه
قصدهم نبگه متطشرین و ما نعرض ابریجه الیاي یا کلنه
و لعد هذا السبب سمونه متطرفین خا طر ننکره بلناس و یگطعون چفه الراد ینصرنه
امس سمونه من صدام/ ومن راح ومشه صدام تهمتنه الجديده امريكه التمدنه
يثرون الفتن خاطر تخاف الناس و تضدنه الأمم من بابهه اتزحنه
(مشهد الثالث)3 صاح ابصوت عالي ا و كبر المذايع هذوله اليوم نعدمهم
شو فوهم یه ناس و هما المفجرین ما عدهم رحم حتى أب أ قاربهم
هذوله اتحالفوا وي بوش ضد ایران و بسم الله العظیم الیوم نأدبهم
نرید انراوي قدرتنه ولعد هذا السبب هل یوم نعرضهم
هما اعترفوا ابکل شي ما واحد جبرهم من رضه انفسهم
اهتدوا لله و رسوله و عا فوا الشیطان و کلفنه البسیج اشویه یر شدهم
کلشی الچنه نکتب هما ایو قعون مو طاعت امرنه اهوای تنفعهم
بسم لله ابتدینه و ما تعبنه اهواي و کلشي الي قریته امسجل ابخطهم
و هسه احنه یه ناس اليوم مجتمعین نجري احکام الله الصادر ابحگهم
/شا فتهم الناس/ اويوهم ماهي اعله گد الچان یو صفهم
واحد گال ذوله ایهال الهي اشلون حال امهم
أشر گال ذاکه ایگارب العشرین و لثاني اقل بسنین شخصهم
وبصف الحچه گال افتکر طلاب من صف المدرسه الحرس جمعهم
اشوف اویوهم تمطر برائه و مستحه يا ناس واظن هاي التهم اتناسب الذمهم
تتنادس الناس و شي تشاو ر شي و شلة من البسيج اتصيح اعدمهم
وصعد عل مسرح الجلاد ذب احبال موته ايريد يشنقهم
(المشهد الرابع)4
وذا صوت الضحيه اتعله بين الناس موش احنه فعلنه الحرس فجرهم
هذا الياي يعدمنه و بعض من ساعدو ا اهناك ذبحوا بل ضحايه و شربوا ابدمهم
اخنه انريد حگنه ابلایه خوف انگول وليكتل بريئ ومظلوم هو السبب من عدكم
هذوله الفجروا درب المحله و كتلوا الاطفال اشوف اویوهم تتخاطف ابصفکم
انتم بل حدید اتواجهون الناس کون ایموت کلمن راد یر فضکم
منطقکم عتیج وباید من اسنین وتچون فمه الراد یسئلكم
وكتكم منتهي و سبگتکم الاحداث و متعدي ترا تاریخ مصرفکم
راح اتلف لف الأیام کل آثارکم بهداي وشوفنه عسیر احساب باچرکم
راح اتدوس هیبتکم شعوب ایران و چفوف الیهال اتشگگ اصورکم
و جثثکم تضل امعلگه اعله التیل ومخنوگین یه ا و غاد ابعما یمکم
وآخیرآ رفعهم بستدة الجلاد ولحد آخر نفس گطع منا فسهم
حسباله ازغرو ا من علگاهم فوگ مايدري نجوم البل سمه ابصفهم
و عله اچتاف العدمهم خلوا الأقدام وصارت جنة الفر دوس مسکنهم
جميل وادي |
|
+ نوشته شده در
دوشنبه چهارم دی 1385ساعت 6:58 توسط جميل وادي |
|
|
چذب بسمچ یه محبوبه ینادون یحسبوچ تجارا ولم الفلوس
یعا دون الطمعهم لو یعادون ویبیعون ابرخص رادات النفوس
یغنون الفرحهم لو یغنون ونسوچ امبلعم ابریجیچ الف موس
یحسبونچ محطه ویستراحون و فراها البالهم من تنملي الکوس
ابنفاه ابلایه ضیج اهواي یحچون ویمدون الرگاب الترست الطوس
یسو مونچ رخیصه وما یخجلون و نسوچ انتی العزیزه الغلی ناموس
اعله دربچ ما رضوا فد خطوا یمشون و مشو حفاي عنو ا الدرب النجوس
ندهتي اهواي بیهمم ما یلبون و لا هزهم ونیین الچبده محموس
تر االمطعون چبده ایصیح مطعون وحتی الخاف کثر طگ الضروس
و جماعتنه اعله ذلتهم یشخرون و رموش اعيونچ الما تطبگ اتحوس
انهبتي ابلیل گوه وهما یدرون و عجیب اتخورسوا ما شالوا الروس
دموع اعیونچ ابگد ماي کارون و دمعهم ما تبده و لاح ملبوس
یگلولچ نخاف من الیعذبون اهل قدرا الیضدهم یصفه محبوس
یگلولچ نخاف من الیموتون وشرفهم عل سچچ یومیه مدیوس
یگلولچ صبر و للصبر ما عون ولو مشداخ وسعه اسنین متروس
مقطع الثانی )2)
موش اهواي قله الما يعانون وهلچ یا حلوت الحلوات مو ذول
هلچ گول و فعل لمن یموتون ولا یر ضون چف الغاشم ایطول
هلچ لحمایته الجا را ایتنا خون و یموت الراد یدنه و جاس الحیول
هلچ نیران لتايه یشعلون ویشیلون الو گع لو حاصر اشیول
هلچ لو زامطوا واحد یطلعون یضیج البیت بي و یزغر الچول
هلچ من شیمت البیهم یکبرون و بثل گهوتهم اموصف بل اتلول
هلچ بلضیج اهلها ما یردون و وذنهم فوگ صدر العایل اتیول
ال هلچ صدر المجالس لو یجبلون وعزیزه انفاسهم ما تدنه الذیول
و سیعه اخلاگهم قط ما یزعلون اهل طیب و کرامه و زند مفتول
هلچ ما بیهم الساوم ولیخون و لا بیهم یرد لو یدری مکتول
اهل ذ مه و ضمیر و دوم یو فون اهل همه و نشا مه و طبع معدول
هلچ للموت رکضوله یهو سون و امس شفتي الأذایع عنهم اتگول
مشو بسمچ یه محبوبه یهتفون و یداعون ابخلاصچ من الأنذول
صا حوا ما نرد لمن یطلعون ونخلص هل بلد من هاي الشکول
یعر فونچ ثمینه انتي ویقدرون و یدورون الخلاصچ افضل احلول
جميل وادي |
|
+ نوشته شده در
دوشنبه چهارم دی 1385ساعت 6:52 توسط جميل وادي |
|
|
والله مو هاي السياسه
الكلها مشحونه ابنحاسه
اشما ستمع زايد حچيهم
بس ضرر تالي انعکاسه
شي تحب أتصير قدوه
ابلا علم وبلا دراسه
و شي تحب نتبعهه گوه
و شايله أجبال الخساسه
لو تنقده اتصير خائن
يحلم ابكرسي الرياسه
يحتسب نفسه قياده
و جاعل الروحه قداسه
الجرباه ایلیخ منه
ما رجع لیه و تناسه
ولله مو هاي السياسه
دوم يحفرلك حفيره
و يخبط اعليك الو ناسه
موش مفهوم اليريده
صحوه مشبوش ابنعاسه
لو تنصحه ايگول ثوري
ابعزم كل شى الجده حاسه
ما يفرزن لا يوچد
کل من اليعرض له داسه
ابغير ما يشبر يحول
حتى ما يحسب قياسه
ولله مو هاي السياسه
يوم سلمي وحچي سلمي
ويوم محرب بيده فاسه
أيخاف لو ناقش جبيله
مو فگد عگله الفراسة
يلبد ابسد الصوايح
منطقه إرهاب و شراسة
لو گلتله اشبيک تصرخ
گالک زايد حماسه
ولله مو هاي السياسه
ابعگله منصوبه المشانق
للحچه و خربط حواسه
ايزاود ابكل شي و ينافق
و حاط الدنيا اعلى راسه
عد باله الناس قشمه
ناسيه الماضي و اساسه
ولله مو هاي السياسه
عد باله ابهل التهايم
يگدر ايسدد افلاسه
يهمش ابهدمه ويهدد
على الخطر رنت اجراسه
من العقد برميل صاير
يتلفه الحاول تماسه
فاشل ابكل شي اليعرضه
الناس ما تگرب اجناسه
ولله مو هاي السياسه
يختلف حتى ويه روحه
و جالب النفسه التعاسه
كل جمع لو صار ضده
ايحاول ايگطع انفاسه
رافگ الجلاد ضدنه
حتى ذل و چفه باسه
و فبرك الخصمه التهايم
شد شد اعليهم حراسه
ولله مو هاي السياسه
الما يصير اوياه ضده
بالك اتحاول مساسه
اتگول آية من الله نازل
عيب ما بي و رجاسه
لو حظر جاب الطلايب
غيضه الرافگ اجلاسه
يحتكر كل شي التلفظه
وبلچذب مرعد الباسه
من الغريزه ايگوم يحچي
لو حمگ طلع اخياسه
لا يطالع لا يحاور لا يفكر
و لا يتابع فكر ناسه
مدري والله اشلون عايش
لا ورع عنده و كياسه
لا ورع عنده و كياسه
ولله مو هاي السياسه
جمیل وادي لندن 25.11.2006
|
|
+ نوشته شده در
یکشنبه بیست و ششم آذر 1385ساعت 1:25 توسط جميل وادي |
|
|
فرق بين اليعدلك من تجي اجروح وهذاك الگال اخذ من تجبل ابساع الأول يتعبك و يعذب الروح ولأخر لو تندبة ابسرعة لك طاع وبیهم لو تعوزه ایبلحک ابلوح یراوا ک التریده و گلک انباع مو طبع الجسم ما يمكن ايروح اذا راعي الجسم بفعاله طماع
کلمن معدنة من ذاتة ویفوح وکل واحد ابگدة امصرصر امتاع
واحد للمجد حت حسه مبحوح حط روحه اعلة چفة اتعلم الضاع
و واحد شاف اخوه امطعن اینوح رک جرحة و مشة ومایسمع اشلاع
عجیب الشاف مثلة و دمة مسفوح یغمض اعیون عگله و ینسة الآرضاع
و الارذل ذاکه احسبه النام مچبوح و شد بطنة ابصخر لا یشچی الاجیاع
بنی آد م یحب یجتاز السطوح ولعد هذا السبب یتبنی البداع
لو عزة و کرامة و بیه ممدوح لو تصبح عبد مملوک الطباع
اهن دربین بیهن انتة ممدوح درب عزة و کرامة و واحد اضياع
المقطع الثاننی
لاح النیم کلمن عگلة مفتوح و زغر ذاکة الصبح وی خلة خداع
یطخ علو الجبل للعاف السفوح و سحگ صخر المخاطر باع یم باع
اخذ حد الوسط لو عدک اطموح و بالک لا تخدعک هاي الأنواع
الآکل لوزا د ملحة ایصیر مملوح و لون یکمل یشهي الحد الشباع
لا تگرب جمر لو حملت لوح و لو بیتک زجاج اتباها الأصداع
ترا الدنیه اتگلب لیل و صبوح شي توصل الخلها وشي اعله اوداع
ما یثبت وضع لو شلوة لو موح ولا یثبت هوا و یصاحب اشراع
تطول الگصرت ایده و یصبح ایلوح ثمر ممنوع کان ابحکم الأوضاع
الرضع أثر البهایم فاته السروح ولا ضا گ اللبن لو یرفس الگاع
الیظن ضم الیمل ضحوي مفضوح مو حدر العبا یتراوا الآکراع
الهد طیره ابضباب و امن الدوح تا لیته تلفة ابلگما الاسباع
الصبح بسرار خله اعله ألمله ایبوح یظل مرعوب خایف سره ینذاع
و تظل ابوجة تبني الطرور الچلوح هذاک الحجب وجه وفاته الأشعاع
العشگ درب الحقبقه وحب الأوضوح لمع نجمه اعله حله و صار لماع
الیرید اسمه یظل ما یصفه ممسوح حرگ روحة شمع و یدلي لو ماع و ابد ما یبگه لآخر حمل مطروح اذا توعى النشامة و تشمر اضراع
جميل وادي
|
|
+ نوشته شده در
یکشنبه بیست و ششم آذر 1385ساعت 0:46 توسط جميل وادي |
|
|
صفحه نخست پست الکترونیک آرشیو عناوین مطالب وبلاگ |
| درباره وبلاگ |
|
| نوشته های پیشین |
|
دی 1387 اسفند 1386 دی 1386 دی 1385 آذر 1385 |
|
RSS
|
